مٹن کُنا

اجزاء

  • مٹن (نلی والا) ایک کلو
  • مٹن یخنی چھ کپ
  • گھی ڈیڑھ کپ
  • پیاز چوپ دو عدد
  • سفید زیرہ ایک چائے کا چمچ
  • ادرک لہسن کا پیسٹ دو کھانے کا چمچ
  • نمک حسبِ ذائقہ
  • ہلدی ایک کھانے کا چمچ
  • زیرہ پاؤڈر ایک چائے کا چمچ
  • دھنیا پاؤڈر ایک چائے کا چمچ
  • لال مرچ پاؤڈر دو کھانے کا چمچ
  • گُندھا ہوا آٹا حسبِ ضرورت
  • بھُنا آٹا چار کھانے کے چمچ
  • کالا زیرہ ڈیڑھ کھانے کے چمچ
  • ادرک، ہرا دھنیا، ہری مرچ گارنش
  • کُنا مصالحہ (کالا زیرہ، جوتری،ثابت دھنیا،کالی مرچ ،بادیان کے پھول،لونگ،چھوٹی ایلایچی)پیسے ہوئے دو چائے کا چمچ

ترکیب

ایک برتن میں گھی ڈال کرکٹی ہوئی پیاز، سفید زیرہ ڈال کر لائٹ براؤن ہونے تک فرائی کر لیں۔اب اس میں ادرک اور لہسن کا پیسٹ،مٹن ، نمک،ہلدی، زیرہ پاؤڈر، دھنیا پاؤڈر، لال مرچ پیسی ہوئی کُنا مصالحہ ڈال کر 10 سے15 منٹ کے لیے دم دیں۔پھر مٹن کی یخنی ڈال کر
برتن کو ڈھانپ کر گُندھے ہوئے آٹے سے اچھی طرح دیکچی کا منہ بند کر لیں تاکہ بھاپ باہر نہ آسکے۔اب اس کو40 سے45 منٹ کے لیے دم دیں۔دم دینے کے بعد آٹا اُتار لیں۔اور بھُنا ہوا آٹا ایک کپ پانی میں ملا کر ڈالیں اور کالا زیرہ،ادرک،ہری مرچ، دھنیا باریک کاٹ کر ڈال دیں۔