کریمی کسٹرڈ فلنگ بنانے کے لئے ایک باؤل میں انڈوں کی زردی، پاؤڈر چینی، ونیلا ایسنس اور دودھ ڈال کر اچھی طرح پھینٹ لیں۔

اب ایک برتن میں تین کپ نورپور فل کریم دودھ، نورپور ڈیری کریم اور چینی ڈال کر ابلنے تک پکائیں۔پھر اس میں دودھ مکسچر کوانڈے کے تیار مکسچر میں مسلسل ہلاتے ہوئے آہستہ آہستہ ڈالیں۔

پھر اس دودھ اور انڈے کے مکسچر کو ایک پین میں ڈالیں اور اس وقت تک پکائیں جب تک کہ یہ گاڑھا ہو جائے۔کسٹرڈ تیار ہے۔

اب اس کسٹرڈ کو ایک باؤل میں ڈال کر اس میں وہپڈ کریم ڈالیں اور اچھی طرح مکس کریں۔کریمی کسٹرڈ فلنگ تیار ہے۔

انڈے کی زردی کا مکسچر بنانے کے لئیایک باؤل میں انڈے کی زردی، ونیلا ایسنس اور چینی ڈال کر اچھی طرح پھینٹ کر سائیڈ پر رکھ دیں۔

سپونج بنانے کے لئے ایک باؤل میں انڈے کی سفیدی، چینی اور نمک ڈال کراچھی طرح پھینٹ لیں۔ اب اس میں انڈے کی زردی کا مکسچر، میدہ اوربیکنگ پاؤڈر ڈال کرسپاچولا کے ساتھ اچھی طرح مکس کریں۔ اب اس میں مکھن ڈال کر دوبارہ مکس کریں۔پھر تیار مکسچر کوبٹر پیپر سے گریس کئے ہوئے بیکنگ پین میں ڈالیں۔

اب اسے پہلے سے گرم اوون میں ایک سو ساٹھ کے درجہ حرارت پر بیس سے پچیس منٹ تک بیک کرلیں۔ سپونج تیار ہے۔ اسے اوون سے نکال کرسائیڈ پر رکھ دیں۔

شہد بادام ٹاپنگ بنانے کے لئے ایک پین میں مکھن گرم کرکے اس میں شہد ڈال کر اچھی طرح مکس کریں۔ اب اس میں چینیڈال کر چینی پگھلنے تک پکائیں۔ پھر اس میں بادام ڈال کر دوبارہ مکس کریں۔شہد بادام ٹاپنگ تیار ہے۔

بی سٹنگ کیک بنانے کے لئے تیار شہد بادام ٹاپنگ کو تیارسپونج پر ڈالیں اور اسے پہلے سے گرم اوون میں ایک سو ساٹھ کے درجہ حرارت پر پانچ منٹ بیک کرلیں۔ اسے اوون سے نکال کر کمرے کے درجہ حرارت پر ٹھنڈا ہونے دیں اور پین سے نکال دیں۔

اب ان کو ڈسک کی شکل میں دائیں سے بائیں کاٹ لیں اور نیچے والی ڈسک پر برش سے دودھ لگائیں۔پھر اس پر کریمی کسٹرڈ فلنگ پھیلا کر اوپر والی ڈسک رکھ دیں۔بی سٹنگ کیک تیار ہے۔