تندوری چکن بوٹی بنانے کے لئے ایک باؤل میں دہی، کھانے کا تیل، پیپریکا، نمک، سرخ مرچ پاؤڈر، ہلدی پاؤڈر، ادرک لہسن پیسٹ، لیموں کارس، کٹی سرخ مرچیں، زیرہ پاؤڈر، گرم مصالحہ پاؤڈر، دھنیا پاؤڈر، چاٹ مصالحہ، خشک میتھی، مالٹا کھانے کا رنگ اور چکن ڈال کر اچھی طرح مکس کرکے دو گھنٹے میرینیٹ ہونے کے لئے رکھ دیں۔

اب ایک پین میں کھانے کا تیل گرم کرکے اس میں میرینیٹ کیا ہوا چکن ڈال کر ہر سائیڈ سے اچھی طرح پکا لیں۔

پھر چولہا بند کرکے اس کے درمیان ایلومینیم کپ رکھ کر کوئلے سے دو سے تین منٹ دھواں دیں۔

اب ڈھکن اتار کر تیار کی ہوئی چکن تندوری بوٹی ایک باؤل میں ڈالیں اور اس پر چاٹ مصالحہ چھڑک کر اچھی طرح مکس کریں۔مزیدار تندوری چکن بوٹی تیار ہے۔

یوگرٹ سوس بنانے کے لئے ایک باؤل میں دہی، پیاز، دھنیا، پودینہ، نمک، کالی مرچیں اور چاٹ مصالحہ ڈال کر اچھی طرح مکس کر لیں۔

اب ایک پین میں کھانے کا تیل گرم کرکے ا س میں ادرک لہسن پیسٹ ڈال کر دو سے تین منٹ پکائیں۔

پھر اس میں تیار کی ہوئی یوگرٹ سوس اور زیرہ پاؤڈر ڈال کر درمیانی آنچ پر تین منٹ پکائیں۔یوگرٹ سوس تیار ہے۔

اسمبلنگ کے لئے سرونگ ڈِش میں تیار کی ہوئی تندوری چکن بوٹی رکھیں اور اس پر تیار کی ہوئی یوگرٹ سوس ڈالیں۔اب اس پر کریم اور پگھلا ہوا مکھن ڈالیں۔

دھنیے سے گارنش کریں۔مزیدار تندوری چکن بوٹی وِد یوگرٹ سوس تیار ہے۔