وائٹ ہانڈی

اجزاء
۔ چکن بونلیس کیوب کٹنگ 500گرام
۔ کھانے کا تیل چار کھانے کے چمچ
۔ پیاز چوپ کیا ہوا آدھا پیاز
۔ لہسن چوپ کیا ہوا ایک کھانے کا چمچ
۔ ہری مرچ چوپ کی ہوئی ایک کھانے کا چمچ
۔ ثابت زیرہ آدھا چائے کا چمچ
۔ نمک حسبِ ذائقہ
۔ بُھونا ہوا دھنیا آدھا چائے کا چمچ
۔ بُھونا ہوا زیرہ آدھا چائے کا چمچ
۔ سفید مرچ پسی ہوئی ایک چائے کاچمچ
۔ دہی آدھا کپ
۔ کریم دو کھانے کے چمچ
۔ بادام اور پستہ پیسا ہوا ڈیڑھ کھانے کے چمچ
۔ دودھ آدھا کپ
۔ ہرا دھنیا بطور گارنش
۔ مکھن ایک کھانے کا چمچ

ترکیب

۔ ایک برتن میں کھانے کا تیل لیں اس میں پیاز ڈال کر ہلکا سا پکا لیں لیں۔
۔ اب اس میں لہسن، ہری مرچ اور ثابت زیرہ ڈال کر ہلکا سا پکا لیں ۔
۔ اب اس میں چکن ڈال کر دو سے تین منٹ تک پکا لیں ۔
۔ اب اس میں نمک ، بُھونا ہو ا دھنیا ،بُھونا ہوا زیرہ ،سفید مرچ ، دہی ،کریم ،بادام پستہ پسا ہوااور دودھ ڈال کر چار سے پانچ منٹ دم دیں ۔اب مکھن ڈال دیں اور ہرا دھنیا کو بطور گارنش استعمال کر لیں ۔آپکی مزیدار وائٹ ہانڈی تیار ہے ۔
پکا نے کا وقت : 30منٹ ,افراد : دو عدد

  

مرغ تِکہ پُلاؤ

اجزاء

  • چکن 500گرام
  • چاول 600گرام
  • نمک حسبِ ذائقہ
  • پیاز ایک عدد
  • ہری مر چ دو عدد
  • ثابت گرم مصالحہ 5گرام
  • چکن یخنی آدھا لیٹر
  • ٹماٹر چار عدد
  • دہی آدھا کپ
  • لال مرچ پاؤڈر دو کھانے کے چمچ
  • لال مرچ کُٹی ہوئی ایک چائے کا چمچ
  • ہلدی ایک چائے کا چمچ
  • لیموں کا رس دو کھانے کے چمچ
  • ثابت زیرہ ایک چائے کا چمچ
  • ادرک لہسن پیسٹ تین کھانے کے چمچ
  • دھنیا پاؤڈر ایک چائے کا چمچ
  • زیرہ پاؤڈر ایک چائے کا چمچ
  • مکھن ایک چائے کا چمچ
  • کھانے کا تیل حسبِ ضرورت

ترکیب
ایک برتن میں چکن لیں اوراس میں نمک ،لال مرچ پاؤڈر ،کُٹی ہوئی لال مرچ ،ہلدی ،لیموں کا رس ،ادرک لہسن پیسٹ ،دہی اوردو کھانے کے چمچ کھانے کا تیل ڈال کر اچھی طرح ملا لیں اورایک گھنٹے کے لیے فریج میں رکھ دیں ۔اب گرل پرتھوڑا سا کھانے کا تیل لگائیں اور تیار کیا ہواچکن اس پرگِر ل کر لیں ۔ ایک دیگچی میں کھانے کا تیل لیں اوراس میں پیاز ،ثابت زیرہ ،ہری مرچ اور ثابت گرم مصالحہ ڈال کر لائٹ براؤن ہونے تک فرائی کر لیں پھر اس میں ادرک لہسن کا پیسٹ ڈال کر لائٹ براؤن ہونے تک فرائی کر یں ۔براؤن ہونے پر اس میں ٹماٹر ،دہی ،نمک ،لال مرچ پسی ہوئی ،دھنیا پاؤڈر ،زیرہ پاؤڈر ،گارنش (ادرک ،ہرا دھنیا ،ہری مرچ )اورگِرل کیا ہوا چکن ڈال کر پانچ سے سات منٹ تک بھونائی کر یں ۔اب اس میں چکن یخنی ڈال کر اُبال لیں اور اس میں چاول ڈال کر تھوڑا پانی رہ جانے تک پکائیں ۔اب اس پر ایلومنیم فوائل میں انگارہ اور مکھن رکھ کر بارہ سے پندرہ منٹ دم دیں ۔آپکا مزیدار مرغ تِکہ پُلاؤ تیار ہے ۔

  

شاہی ٹکڑا

اجزاء

  • دو دھ ایک لیٹر
  • چینی آدھا کپ
  • بادام باریک کٹنگ 10گرام
  • کاجو باریک کٹنگ 10گرام
  • پستہ باریک کٹنگ 10گرام
  • چھوٹی اِلائچی پانچ عدد
  • پیلا رنگ ایک چٹکی
  • ونیلا ایسنس ایک چائے کا چمچ
  • گرم پانی ایک کپ
  • کارن فلور پانی میں تین کھانے کے چمچ
  • کھانے کا تیل حسبِ ضرورت
  • بریڈ سلائس آٹھ عدد

ترکیب
ایک برتن میں دو دھ لیں اس میں چینی ،بادام ،پستہ ،چھوٹی اِلائچی ،پیلا رنگ ،ونیلا ایسنس اور گرم پانی ڈال کر پندرہ سے بیس منٹ ہلکی آنچ پر پکائیں ۔اب اس میں کارن فلورآدھا کپ پانی میں حل کر کے ڈال دیں۔
اب ایک پین میں کھانے کا تیل اور بریڈ سلائس ڈال کر لائٹ براؤن ہونے تک فرائی کریں۔
اب سلائس کو درمیان سے کاٹ لیں اور ایک پلیٹ میں تیار شدہ مکسچر لیں اس پر بریڈ رکھ کر اوپر سے دو بارہ مکسچر ڈال دیں ۔کاجو ،پستہ اور بادام کو بطور گارنش استعمال کر لیں اور فریج میں رکھ کر ٹھنڈا کر لیں ۔آپکامزیدار شاہی ٹکڑا تیا ر ہے ۔

  

مرغ قوفتہ کری

اجزاء

    • چکن قیمہ ایک کلو
    • نمک حسبِ ضرورت
    • ہرا دھنیا چوپ کیا ہوا دو کھانے کے چمچ
    • پودینہ چوپ کیا ہوا دو کھانے کے چمچ
    • ہری مرچ چوپ کی ہوئی دو کھانے کے چمچ
    • پیاز چوپ کیا ہوا دو عدد
    • ادرک لہسن کا پیسٹ دو کھانے کے چمچ
    • کاجو پسے ہوئے ڈیڑھ کھانے کے چمچ
    • بھُنے ہوئے چنے کا پاؤڈر ڈیڑھ کھانے کے چمچ
    • چار مغز ڈیڑھ کھانے کے چمچ
    • انڈا ایک عدد
    • زیرہ پاؤڈر دو کھانے کے چمچ
    • دھنیا کُٹا ہوا دو کھانے کے چمچ
    • گرم مصالحہ ایک کھانے کا چمچ
    • ٹماٹرپسے ہوئے چار عدد
    • دہی ایک کپ
    • لال مرچ پسی ہوئی دو کھانے کے چمچ
    • ہلدی ایک چائے کا چمچ
    • آئل ایک کپ
    • کریم تین کھانے کے چمچ
    • گرم پانی آدھا کپ

 

ترکیب

ایک برتن میں چکن قیمہ لیں اس میں آدھا پیازچوپ کیا ہو ا ڈال کر اس میں ادرک لہسن کا پیسٹ ایک کھانے کا چمچ ،نمک ،پودینہ ،ہرا دھنیا ،ہری مرچ ،انڈا ،گرم مصالحہ آدھا کھانے کا چمچ ،زیرہ پاؤڈر ایک کھانے کا چمچ،دھنیا کُٹا ہوا ایک کھانے کا چمچ ،بُھنے ہوئے چنے کا پاؤڈر ،چار مغز،کاجو پسے ہوئے اور لال مرچ پسی ہوئی ڈال کر اچھی طرح ملا لیں۔اب اس کے قوفتے بنا لیں اور بیس سے پچیس مِنٹ کے لیے فریج میں رکھ دیں ۔اب ایک برتن میں آئل آدھا کپ ڈال کر شیلو فرائی کر لیں ۔اب ایک پین میںآدھا کپ آئل لیں اس میں ڈیڑھ پیاز ڈال کر لائیٹ براؤن کر لیں۔اب اس میں ادرک لہسن کا پیسٹ ایک کھانے کا چمچ،ٹماٹو پیوری ،نمک ،لال مرچ پسی ہوئی ایک کھانے کا چمچ ،ہلدی ،دھنیا پسا ہوا ایک کھانے کا چمچ ،زیرہ پسا ہوا ایک کھانے کا چمچ ،گرم مصالحہ آدھا کھانے کا چمچ،دہی ،کر یم اور گرم پانی آدھا کپ ڈال کر آٹھ سے دس منٹ کے لیے بُھنائی کریں ۔اب اس میں قوفتے ڈال کرتین سے چار منٹ کے لیے ہلکی آنچ پر دم دیں ۔اب اوپر سے ہرا دھنیا ،ادرک اور ہری مرچ ڈال دیں آپکی مزیدار مرغ قوفتہ کری تیار ہے ۔

  

بیف پسندے

اجزاء

  • بیف پسندے ۸۰۰ گرام
  • نمک حسبِ ذائقہ
  • ادرک لہسن کا پیسٹ ڈیڑھ کھانے کا چمچ
  • کالی مرچ ایک کھانے کا چمچ
  • خشخاش ڈیڑھ کھانے کا چمچ
  • سبز مرچ چار عدد
  • زیرہ پاؤڈر ایک کھانے کا چمچ
  • لیمن جوس تین کھانے کے چمچ
  • دہی ایک کپ
  • گرم مصالحہ پاؤڈر ایک چائے کا چمچ
  • لال مرچ پاؤڈر ڈیڑھ کھانے کا چمچ
  • ہلدی ایک کھانے کا چمچ
  • کُٹا ہوا دھنیا ایک کھانے کا چمچ
  • آئل آدھا کپ
  • پیاز دو عدد
  • ثابت زیرہ دو عدد
  • ثابت گرم مصالحہ (ثابت لال مرچ ،پانچ عدد دار چینی ،دو عدد کالی مرچ ،آٹھ عدد بڑی اِلائچی،دو عدد )
  • گرم پانی دو گلاس

ترکیب

بیف کو پسندوں کی شکل میں کاٹ کر ہیمرلیں ۔ایک باؤ ل لیں اس میں پسندے ڈال کر نمک ،ادرک لہسن کا پیسٹ ،کالی مرچ ،خشخاش ،چوپ سبز مرچ،زیرہ پاؤڈر ،لیمن جوس،دہی،گرم مصالحہ پاؤڈر ،لال مرچ،ہلدی اور کُٹا ہو ا دھنیا ڈال کر اچھی طرح مکس کر لیں۔اب ایک برتن میں آئل ڈال کرچولہے پر رکھیں اس میں کٹا ہوا پیاز ،ثابت زیرہ اور ثابت گرم مصالحہ (ثابت لال مرچ ،پانچ عدد دار چینی ،دو عدد کالی مرچ ،آٹھ عدد بڑی اِلائچی،دو عدد )ڈال کر لائیٹ براؤن ہو نے تک پکائیں ۔اب اس میں مکس کیے ہوئے پسندے ڈال دیں اور پانچ سے سات مِنٹ تک پکائیں ۔اب اس میں گرم پانی ڈال کر ۳۰ سے ۳۵ مِنٹ تک دم دیں اور درمیان میں چیک کرتے رہیں۔پک جانے پر اُتار لیں اب آپکے مزیدار بیف پسندے تیار ہیں ۔

  

نمکین کڑاہی

اجزاء

  • مٹن بڑی ہڈی والا 500 گرام
  • چربی 100گرام
  • لہسن چوپ کی ہوئی ایک کھانے کا چمچ
  • ٹماٹر چھلے ہوئے 200گرام
  • دہی آدھا کپ
  • دھنیا کُٹا ہوا ایک چائے کا چمچ
  • زیرہ کُٹا ہوا ایک چائے کا چمچ
  • نمک حسبِ ضرورت
  • لال مرچ ثابت آٹھ عدد
  • ہری مرچ دو عدد
  • آئل بڑا کپ

ترکیب

ایک برتن میں آئل لیں اس میں چربی ڈال کر لائیٹ براؤن ہونے تک فرائی کریں ۔اب اس میں مٹن ڈال کر دہی ،ٹماٹر ،نمک ،لہسن ،لال مرچ ثابت ،دھنیا کُٹا ہوا ،زیرہ کُٹا ہوا اور ہری مرچ کٹی ہوئی ڈال کرپینتیس سے چالیس مِنٹ گلنے تک دم دیں اور ساتھ میں چیک کرتے رہیں گل جانے پر اسے تین سے چار مِنٹ تک بھون لیں ۔آپکی مزیدار نمکین کڑاہی تیار ہے۔

  

مٹن شاہ جہانی

اجزاء

  • مٹن ۵۰۰ گرام
  • پیاز ۲۰۰ گرام
  • ہری مرچ چار عدد
  • دودھ ایک کپ
  • دہی آدھا کپ
  • آئل چار کھانے کے چمچ
  • ادرک لہسن کا پیسٹ دو کھانے کے چمچ
  • زیرہ پیسا ہوا ایک چائے کا چمچ
  • سفید مرچ پیسی ہوئی ایک کھانے کا چمچ
  • دھنیا پیسا ہوا آدھا چائے کا چمچ
  • ہلدی ایک چوتھائی چائے کا چمچ
  • بادام،کاجو،پستہ کا پیسٹ تین کھانے کے چمچ
  • نمک حسبِ ذائقہ
  • کریم دو کھانے کے چمچ
  • مکھن ایک کھانے کے چمچ
  • بادام ، کاجو ، پستہ

ترکیب

پکانے والے برتن میں حسبِ ضرورت پانی ڈال کر پیاز، ہری مرچ ڈال کرااُبال لیں۔ بلینڈر میں دودھ، دہی،اوراُبلی ہوئی پیاز ،ہری مرچ ڈال کر گرائینڈ کر لیں۔پین میں آئل ،ادرک لہسن کا پیسٹ ڈال کر تھوڑا سا پکائیں براؤن نہیں کرنا پھر پیاز دودھ سے بنا میکسچر ڈالیں،زیرہ پیسا ہوا ، سفید مرچ پیسی ہوئی،دھنیا پیسا ہوا، ہلدی ڈال کر تین سے چار منٹ تک بھونائی کریں پھر مٹن ڈال کر دو سے تین منٹ کی بھونائی کریں پھر پانی ایک گلاس ڈال کر ہلکی آنچ پر گل جانے تک دم پر رکھ دیں۔درمیان میں چیک کرتے رہیں کہ گل گیا ہے کہ نہیں۔گل جانے پر نمک حسبِ ضرورت ڈالیں بادام ،کاجو، پستہ کا پیسٹ اورکریم،مکھن ڈال کر ملائیں۔آپکا مٹن شاہ جہانی تیار ہے۔

  

بیف نہاری

اجزاء

  • بیف ایک کلو
  • آئل آدھا کپ
  • پیاز دو عدد
  • سفید زیرہ ایک چائے کا چمچ
  • ادرک لہسن کا پیسٹ دو چائے کا چمچ
  • ہری مرچ پانچ عدد
  • نمک حسبِ ذائقہ
  • سفید زیرہ پیسا ہوا ڈیڑھ چائے کا چمچ
  • دھنیا پیسا ہوا ڈیڑھ چائے کا چمچ
  • (دار چینی،بڑی ایلا یچی،چھوٹی
    ایلا یچی،لونگ،تیز پتہ،جائفل)، پیسا ہوا دو چائے کا چمچ
  • لال مرچ پیسی ہوئی آدھا چائے کا چمچ
  • ہلدی ایک چائے کا چمچ
  • سونف پیسی ہوئی ڈیڑھ چائے کا چمچ
  • آٹا آدھا کپ

ترکیب

پکانے والے بر تن میں آئل، پیاز، سفیدزیرہ ثابت ڈال کر لائٹ براؤن ہونے تک پکائیں۔ پھر ادرک لہسن کا پیسٹ ڈال کر لا ئٹ براؤن ہونے تک پکائیں۔پھر بیف، ہری مرچ ثابت،نمک، زیرہ پاؤڈر،دھنیا پیسا ہوا،(دار چینی،بڑی ایلا یچی،چھوٹی ایلا یچی،لونگ،تیز پتہ،جائفل)، پیسا ہو،لال مرچ،ہلدی ڈال کر پانچ سے سات منٹ پکائیں۔گرم پانی ڈال کر بیف کو گالنے تک پکائیں۔گل جانے پر آٹا کو بھون کر تھوڑے سے پانی میں ملا کر ڈال دیں، سونف ڈال دیں۔اپکی بیف نہاری تیا ر ہے۔

  

نرگسی کو فتے

اجزاء

  • بیف ۵۰۰ گرام
  • چنے کی دال دو سو گرام
  • نمک دو کھانے کے چمچ
  • ہلدی دو کھانے کے چمچ
  • ہری مرچ پا بت چھ عدد
  • لہسن ۱۰ گرام
  • ادرک ۲۰گرام
  • لال مرچ پابت ۱۵گرام
  • بڑی اِلائچی ۵عدد
  • دھنیا پابت ڈیڑھ کھانے کا چمچ
  • دار چینی ۵ عدد
  • سفید زیرہ پابت ڈیڑھ کھانے کے چمچ
  • انڈا آٹھ عدد
  • گرم مصالحہ آدھا چائے کا چمچ
  • زیرہ پاؤڈر آدھا چائے کا چمچ
  • دھنیا پاؤڈر ایک چائے کا چمچ
  • پیاز ایک عدد
  • پودینہ دو چائے کے چمچ
  • ہرا دھنیا دو چائے کے چمچ
  • آئل تین کھانے کے چمچ
  • سفید زیرہ ثابت ایک چائے کا چمچ
  • ٹماٹر کا پیسٹ ۲۰۰ گرام
  • لال مرچ پیسی ہوئی ایک چائے کا چمچ
  • سفید زیرہ پیسا ہوا آدھا چائے کا چمچ

ترکیب

چنے کی دال کو آدھا گھنٹہ پانی میں بھگویں۔پکانے والے برتن میں چنے کی دال ،بیف،نمک دو کھانے کے چمچ ،ہلدی ڈیڑھ کھانے کے چمچ،ہری مرچ ثابت چار عدد،لہسن پندرہ گرام،ادرک پندرہ گرام،لال مرچ ثابت بیس گرام،بڑی اِلائچی پانچ عدد،دھنیا ثابت ڈیڑھ کھانے کے چمچ،دار چینی پانچ عدد، اورسفید زیرہ ثابت ڈیڑھ کھانے کے چمچ ڈال کر پچیس سے تیس مِنٹ تک دم دیں یہاں تک کہ بیف گل جائے ۔پھرآنچ تیز کر کے بھُونائی کر یں تاکہ خشک ہو جائے ۔خشک ہونے پراِس کا قیمہ بنا لیں ۔اب انڈا دو عدد ،گرم مصالحہ آدھا چائے کا چمچ، زیرہ پاؤڈر آدھا چائے کا چمچ ،دھنیا پاؤڈرآدھا چائے کا چمچ،پیازایک عدد،ادرک کٹی ہوئی ڈیڑھ کھانے کا چمچ ،پودینہ دو چائے کے چمچ اور ہرا دھنیا دو چائے کے چمچ ڈال کر اچھی طر ح ملا لیں۔کباب مصالحہ تیار ہے۔ اب اُبلے ہوئے انڈوں پر کباب مصالحہ لگائیں اورلائٹ براؤن ہونے تک ڈیپ فرائی کر لیں ۔ الگ برتن میں نکال لیں اور انڈوں کے چُھری سے دو ٹکڑے کر لیں۔
اب گریوی کے لیے۔ ایک برتن میں آئل تین کھانے کے چمچ،پیازسو گرام،ہری مرچ دو عدد، اور زیرہ ثابت ایک چائے کا چمچ ڈال کر لائٹ براؤن ہونے تک فرائی کریں۔اب ادرک لہسن کا پیسٹ دو چائے کا چمچ،ٹماٹرکا پیسٹ ۲۰۰ گرام،نمک حسبِ ذائقہ،ہلدی آدھا چائے کا چمچ،لال مرچ پیسی ہوئی ایک چائے کا چمچ ،اورسفید زیرہ آدھا چائے کا چمچ ڈال کر پانچ سے سات منٹ تک بُھونائی کریں۔ آپکی گریوی تیار ہے ۔ایک برتن میں گریوی نکال کر قیمے والے انڈے ڈال دیں۔آپکے مزے دارنرگسی کو فتہ تیار ہے۔
Download Now

  

اچاری ہانڈی

اجزاء

  • چکن ۵۰۰گرام
  • آئل چار کھانے کے چمچ
  • پیاز ایک عدد
  • سفید زیرہ ثابت ایک چائے کا چمچ
  • ہری مرچ دو عدد
  • ادرک کا پیسٹ دو چائے کے چمچ
  • ٹماٹرکا پیسٹ ۲۵۰ گرام
  • نمک حسبِ ذائقہ
  • سفید زیرہ پیسا ہوا ایک چائے کا چمچ
  • دھنیا پیسا ہوا ایک چائے کا چمچ
  • گرم مصالحہ آدھا چائے کا چمچ
  • لال مرچ پیسی ہوئی دو چائے کے چمچ
  • میتھی کے بیج ایک چھوتھائی چائے کا چمچ
  • کلونجی ایک چھوتھائی چائے کا چمچ
  • سونف ایک چھوتھائی چائے کا چمچ
  • اچار ڈیڑھ کھانے کے چمچ
  • کریم آدھا کپ

تر کیب

پکانے والے برتن میں آئل،پیاز،سفید زیرہ،ہری مرچ کٹی ہوئی،ادرک کا پیسٹ ڈال کر لائٹ براؤن ہونے تک فرائی کریں۔پھر ٹماٹر کا پیسٹ،نمک،سفید زیرہ پیسا ہوا،دھنیا پیسا ہوا،گرم مصالحہ،لال مرچ پیسی ہوئی،میتھی کے بیج،کلونجی،سونف ،چکن ڈال کر دو سے تین منٹ ہلکی آنچ پردم دیں۔دم کے بعد آنچ تیز کر کے اچار اور کریم ڈال کر ہلکا سا پکائیں۔آپکی مزے دار اچاری ہانڈی تیار ہے۔
Download Now