بیٹر فرائیڈ فش اینڈ فرنچ فرایس

اجزاء

  • مچھلی(بیکٹی ) 500گرام
  • نمک حسبِ ذائقہ
  • سرکہ دو کھانے کے چمچ
  • ادرک لہسن پیسٹ ایک کھانے کا چمچ
  • میدہ چار کھانے کے چمچ
  • کارن فلور دوکھانے کے چمچ
  • سفید مرچ پاؤڈر ایک چائے کا چمچ
  • بیکنگ پاؤڈر آدھا چائے کا چمچ
  • لیموں کا جوس ایک کھانے کا چمچ
  • انڈے کی سفیدی ایک عدد
  • کھانے کا تیل دو کھانے کے چمچ
  • ٹھنڈا پانی آدھا کپ
  • آلو کے چپس 100گرام
  • کالی مرچ کُٹی ہوئی ایک چائے کا چمچ

ترکیب
ایک برتن میں مچھلی ڈالیں اور اس میں نمک ،سرکہ اورادرک لہسن پیسٹ ڈال کراچھی طرح ملا لیں اور ایک گھنٹہ کے لیے فریج میں رکھ دیں ۔اب ایک برتن میں میدہ ،کارن فلور ،نمک ،سفید مرچ پاؤڈر ،بیکنگ پاؤڈر ،لیموں کارس ،انڈے کی سفیدی،کھانے کا تیل اور ٹھنڈا پانی ڈال کراچی طرح ملا لیں ۔بیٹر پیسٹ تیار ہے۔
اب ایک برتن میں مچھلی اور بیٹر پیسٹ ڈال کر اچھی طرح ملالیں ۔
ایک کڑاہی میں کھانے کا تیل ڈالیں اور اس میں بیٹر لگی مچھلی کو لائٹ براؤن ہونے تک ڈیپ فرائی کرلیں ۔
اب ایک پین میں کھانے کا تیل لیں اس میں آلو کے چپس ڈال کر گولڈن براؤن ہونے تک ڈیپ فرائی کرلیں ۔
آپکی مزیدار بیٹر فرائیڈ فش اینڈ فرنچ فرایس تیار ہے ۔

  

پین فرائیڈ فِش ود لیمن سوس

اجزاء

  • مچھلی( بیکٹی ) 200گرام
  • نمک حسبِ ذائقہ
  • کالی مرچ کُٹی ہوئی ایک چائے کا چمچ
  • لہسن کا پیسٹ آدھا چائے کا چمچ
  • لیموں کا رس ایک چائے کا چمچ
  • زیتون کا تیل دو کھانے کے چمچ
  • کھانے کا تیل آدھا کپ
  • پالک 50گرام
  • پیاز 50گرام
  • لہسن چوپ ایک چائے کا چمچ
  • لیموں کا چھلکا ایک چائے کا چمچ
  • کالا زیتون ایک کھانے کا چمچ
  • کارن فلور ایک چائے کا چمچ

ترکیب

ایک برتن میں مچھلی کے ٹکڑے لیں اس میں زیتون کا تیل ڈال کر اس میں نمک ،کالی مرچ کُٹی ہوئی آدھا چائے کا چمچ، لہسن کا پیسٹ اور لیموں کا رس ڈال کرملا لیں ۔اب اسے پندرہ سے بیس مِنٹ کے لیے فریج میں رکھ دیں ۔اب ایک پین میں کھانے کا تیل ڈال کر تیا ر کی ہوئی مچھلی اس میں ڈا ل کر گولڈن براؤن ہونے تک پین میں فرائی کریں ۔

لیمن سوس

ایک پین میں ایک کھانے کا چمچ آئل ڈال کر اس میں لہسن چوپ آ دھا چائے کا چمچ،گرم پانی آدھا کپ، لیموں کا پاؤڈرایک چائے کا چمچ،سفید مرچ پاؤڈر ایک چٹکی ،پیلا رنگ ایک چٹکی اور نمک ڈال کر ہلکا سا پکا لیں اور اب کارن فلورآدھا کپ پانی میں ملا کر اس میں ڈال دیں ۔

پریزنٹیشن

ایک پین میں کھانے کا تیل ڈال کر پیاز ،پالک ،لہسن چوپ ،لیموں کے چھلکے ، نمک اور کالی مرچ پسی ہوئی ڈال کر ہلکا سا پکائیں ۔آپکی مزیدار پین فرائیڈ فِش و دلیمن سوس تیا ر ہے ۔

  

اسپائسی فرائیڈ فِش

اجزاء

  • مچھلی کانٹے والی(ڈمرہ یا راہو) ایک کلو
  • نمک حسبِ ذائقہ
  • بیسن ۴ کھانے کے چمچ
  • دہی ۴ کھانے کے چمچ
  • ادرک لہسن کا پیسٹ ۳ کھانے کا چمچ
  • لیموں کا رس ۴ کھانے کے چمچ
  • اجوائن آدھا چائے کا چمچ
  • زیرہ کُٹا ہوا ایک کھانے کا چمچ
  • دھنیا کُٹا ہوا ایک کھانے کا چمچ
  • کالی مرچ پاؤڈر ۲ کھانے کے چمچ
  • گرم مصالحہ ایک چائے کا چمچ
  • لال مرچ کُٹی ہوئی ۲کھانے کے چمچ
  • ہلدی ایک چائے کا چمچ
  • پیلا رنگ ایک چوتھائی چائے کا چمچ
  • سرکہ ایک کپ
  • انڈا ایک عدد
  • آئل حسبِ ضرورت

ترکیب

مچھلی کے درمیانے ٹکڑے کر لیں ۔ ایک برتن میں ان ٹکڑوں کوڈال لیں۔اب اس میں سرکہ،نمک دو کھانے کے چمچ، ادرک لہسن کا پیسٹ ایک کھانے کا چمچ ڈال کر اچھی طرح ملا لیں اور پچیس سے تیس منٹ کے لیے فریج میں رکھ دیں۔
اب مچھلی کو پانی سے دھو لیں اور بیسن ،دہی، اجوائن، لیموں کا رس، نمک حسبِ ذائقہ ، لال مرچ پاؤڈر، کُٹی ہوئی لال مرچ، کُٹا ہوا دھنیا، انڈا،زیرہ کُٹا ہوا،گرم مصالحہ پیسا ہوا، کالی مرچ پاؤڈر، پیلا رنگ،ہلدی اور ادرک لہسن کا پیسٹ ڈال کر اچھی طرح ملا لیں اور ایک گھنٹہ کے لیے فریج میں رکھ دیں۔
اب ایک پین میں آئل ڈال کر مچھلی کے ٹکڑوں کو گولڈن براؤن ہونے تک ڈیپ فرائی کر لیں۔

  

لاھوری فرایڈ فش

اجزاء
۔ مچھلی ۳۰۰ گرام
۔ انڈا ایک عدد
۔ نمک حسبِ ذائقہ
۔ لال مرچ کُٹی ہوئی دو چائے کے چمچ
۔کُٹا ہوا دھنیا ایک چائے کا چمچ
۔سفید زیرہ ایک چائے کا چمچ
۔بیسن تین چائے کے چمچ
۔میدہ دو چائے کے چمچ
۔کورن فلور دو چائے کے چمچ
۔ییلو فوڈ کلر ۴؍۱ چائے کا چمچ
۔لیموں کا رس دو چائے کے چمچ
۔ادرک لہسن کا پانی ڈیڑھ چائے کے چمچ
۔اجوائن ۴؍۱ چائے کا چمچ
۔گرم مصالہ ایک چائے کا چمچ

ترکیب
تین سو گرام مچھلی کے چھوٹے چھوٹے ٹکڑے کر لیں۔اچھی طرح نمک اور لیمن جوس لگا کر دھو لیں۔مچھلی کو برتن میں ڈال کر انڈا ڈال دیں اسکے بعد نمک ،لال مرچ کُٹی ہوئی ،دھنیا کُٹا ہوا ، سفید زیرہ،گرم مصالحہ ،بیسن ،میدہ ،کارن فلور ،پیلا رنگ ،لیموں کا رس،ادرک لہسن کا پانی،اور اجوائن ڈال کر مِکس کر لیں پندرہ سے بیس مِنٹ رکھنے کے بعد کڑاہی میں تیل گرم کر کے مصالحہ لگی مچھلی کو گرم تیل میں ڈال کر لائیٹ براؤن ہونے تک فرائی کریں اور مزیدار لاہوری فرائیڈ فِش تیار ہے ۔

Download Now