ڈھاکہ چکن

اجزاء
چکن بونلیس پانچ سو گرام
نمک حسبِ ذائقہ
لہسن پیسٹ ایک کھانے کا چمچ
لیموں کا رس ایک کھانے کا چمچ
کارن فلور تین کھانے کے چمچ
میدہ تین کھانے کے چمچ
انڈا ایک عدد
لال مرچ پاؤڈر ایک کھا نے کا چمچ
ہلدی ایک چائے کا چمچ
لال مرچ کُٹی ہوئی ایک چائے کا چمچ
گرم مصالحہ پاؤڈر ایک چائے کا چمچ
سفید تِل ڈھائی کھانے کے چمچ
کھانے کاتیل حسبِ ضرورت
ترکیب
۔ایک برتن میں چکن لیں اور اس میں نمک،لہسن پیسٹ ، لیموں کا ر س ، کارن فلور ،میدہ،انڈا ،لال مرچ پاؤڈر ،ہلدی،لال مرچ کُٹی ہوئی ،گرم مصا لحہ پاؤڈر اور سفید تِل ڈا ل کر اچھی طرح ملا ئیں اور تیس منٹ کے لیے فریج میں رکھ دیں ۔
۔اب ایک پین میں کھانے کا تیل لیں اس میں تیار کیا ہوا چکن ڈال کر گولڈن براؤن ہونے تک ڈیپ فرائی کرلیں ۔

آپکا مزیدار ڈھاکہ چکن تیار ہے ۔
پکانے کا وقت : ایک گھنٹہ
افراد : تین

  

چکن ریشمی کری

اجزاء

  • چکن بون لیس(جولین کٹنگ) 400 گرام
  • نمک حسبِ ذائقہ
  • لال مرچ پیسی ہوئی ایک چائے کا چمچ
  • ہلدی ایک چائے کا چمچ
  • کالی مرچ کُٹی ہوئی آدھا چائے کا چمچ
  • کھانے کا تیل تین کھانے کے چمچ
  • ادرک لہسن کا پیسٹ ایک کھانے کا چمچ
  • ہری مرچ دو عدد
  • دھنیا پاؤڈر ایک چائے کا چمچ
  • زیرہ پاؤڈر ایک چائے کا چمچ
  • کاجو، بادام، پستہ کا پاؤڈر ایک کھانے کا چمچ
  • ٹماٹر پسے ہوئے 4 عدد
  • مکھن ایک کھانے کا چمچ
  • کریم تین کھانے کے چمچ
  • ہرا دھنیا گارنش
  • گرم پانی آدھا کپ

ترکیب
ایک برتن میں چکن ڈالیں اور اس میں نمک،لال مرچ پیسی ہوئی،ہلدی، کالی مرچ کُٹی ہوئی، ادرک لہسن کا پیسٹ ایک چائے کا چمچ ڈال کر اچھی طرح ملا لیں اور آدھا گھنٹہ کے لیے فریج میں رکھ دیں۔
اب ایک پین میں کھانے کا تیل ڈالیں اس میں ادرک لہسن کا پیسٹ ایک چائے کا چمچ،تیار کیا ہوا چکن ڈال کر دو سے تین منٹ کے لیے پکائیں۔اب اس میں نمک، لال مرچ پیسی ہوئی، ہری مرچ، دھنیا پاؤڈر، زیرہ پاؤڈر، ٹماٹر پیسے ہوئے اور کاجو،بادام،پستہ کا پاؤڈرڈال کر آٹھ سے دس منٹ کے لیے پکا لیں۔اب اس میں مکھن، کریم، ہرا دھنیا، اور گرم پانی ڈال کر ہلکی آنچ پر دو سے تین منٹ پکائیں۔آپکی مزے دار چکن ریشمی کری تیار ہے۔ اُبلے ہوئے چاولوں کے ساتھ پیش کریں۔

  

چکن مکرونی سلاد

اجزاء

  • مکرونی 200گرام
  • چکن بو ن لیس 100گرام
  • نمک حسبِ ذائقہ
  • کھانے کا تیل چارکھانے کے چمچ
  • کالی مر چ کُٹی ہوئی ایک کھانے کا چمچ
  • چلی سوس ایک چائے کا چمچ
  • ادرک لہسن کا پیسٹ ایک چائے کا چمچ
  • لہسن چوپ کیا ہوا ایک چائے کاچمچ
  • ٹماٹو کیچپ دو کھانے کے چمچ
  • ٹماٹر 10گرام
  • سبز شملہ مرچ 10گرام
  • پیلی شملہ مرچ 10گرام
  • لال شملہ مرچ 10گرام
  • ہرا پیاز 5گرام
  • لیموں کا رس ایک کھانے کا چمچ
  • ؂ٹھنڈا پانی حسبِ ضرورت

ترکیب
ایک برتن میں پانی لیں اس میں مکرونی ،نمک اور کھانے کا تیل ڈا ل کر اُبال لیں اور اسے چھان لیں ۔اب مکرونی کو ٹھنڈا پانی میں ڈال کر ٹھنڈی کر لیں۔اب ایک برتن میں چکن بون لیس لیں اس میں کالی مرچ ،چلی سوس ،نمک اور ادرک لہسن کا پیسٹ ڈال کر ملا لیں۔اب ایک پین میں دو کھانے کا چمچ کھانے کا تیل لیں اس میں لہسن چوپ اور تیار کیا ہوا چکن ڈال کر اچھی طرح پکائیں ۔اب ایک برتن میں مکرونی لیں اس میں تیا ر کیاہوا چکن، لیموں کا رس ،کالی مرچ کُٹی ہوئی ،نمک ،ٹماٹو کیچپ،ٹماٹر، سبز شملہ مرچ ،پیلی شملہ مرچ ،لال شملہ مرچ اور ہرا پیاز ڈال کر ملا لیں ۔آپکی مزے دار چکن مکرونی سلاد تیا ر ہے ۔

  

کرسپی چکن فرائیڈ لیگز

اجزاء

  • بِگ بَرڈ چکن لیگز (پیکٹ) ایک کلو
  • نمک حسبِ ضرورت
  • سرکہ ایک کپ
  • ادرک لہسن کا پیسٹ ایک کھانے کا چمچ
  • انڈا ایک عدد
  • مسٹرڈ پیسٹ ایک کھانے کا چمچ
  • کارن فلور دو کھانے کے چمچ
  • ادرک پاؤڈر ایک چائے کا چمچ
  • کالی مرچ پاؤڈر ایک کھانے کا چمچ
  • میدہ تین کھانے کے چمچ
  • چلی سوس دو کھانے کے چمچ
  • بریڈ کرم حسبِ ضرورت
  • کھانے کا تیل حسبِ ضرورت

ترکیب
ایک بر تن میں بِگ بَرڈ چکن لیگزڈال لیں اور اس پرگہرے کٹ لگا لیں اب اس میں نمک حسبِ ذائقہ، سرکہ ایک کپ اور ادرک لہسن کا پیسٹ ایک چائے کا چمچ ڈال کر اچھی طرح ملا لیں اور دو گھنٹے کے لیے فریج میں رکھ دیں۔
اب ایک دیگچی میں گرم پانی کر لیں اور تیار کیے ہوئے چکن لیگز ڈال کر کچھ دیر کے لیے اُبال لیں اور الگ برتن میں نکال لیں۔
اب اُبلی ہوئے چکن لیگز میں نمک حسبِ ذائقہ، ایک عدد انڈا، مسڑرڈ پیسٹ ایک کھانے کا چمچ، ادرک لہسن کا پیسٹ ایک چائے کا چمچ،کارن فلور دو کھانے کے چمچ، ادرک پاؤڈر ایک چائے کا چمچ، کالی مرچ پاؤڈر ایک کھانے کا چمچ، میدہ تین کھانے کے چمچ اورچلی سوس دو کھانے کے چمچ ڈال کر اچھی طرح ملا لیں اور بیس سے پچیس منٹ کے لیے فریج میں رکھ دیں۔
اب تیار کی ہوئے چکن لیگز پر بریڈکرم لگا لیں۔
اب ایک برتن میں کھانے کا تیل گرم کر لیں اوربریڈکرم لگے چکن لیگز کو گولڈن براؤن ہونے تک ڈیپ فرائی کر لیں۔
آپکی مزے دارکرسپی چکن فرائیڈ لیگز تیار ہے۔

  

چکن دہی والا

اجزاء

  • چکن 500گرام
  • نمک حسبِ ذائقہ
  • لیمن جوس ایک کھانے کا چمچ
  • ادرک لہسن کا پیسٹ دو کھانے کے چمچ
  • دہی ایک کپ
  • زیرہ پاؤڈر ایک چائے کا چمچ
  • دھنیا پاؤڈر ایک چائے کا چمچ
  • پیاز ایک عدد
  • ہری مرچ پانچ عدد
  • ثابت زیرہ ایک کھانے کا چمچ
  • پانی دو گلاس
  • دودھ آدھا کپ
  • کھانے کا تیل آدھا کپ

ترکیب
ایک برتن میں چکن لیں اس میں نمک، لیمن جوس،ادرک لہسن کا پیسٹ اوردہی ڈال کر مکس کر لیں ۔اب پیاز،ہری مرچ اور زیرہ اُبال کراس کو آدھا کپ دودھ اور آدھا کپ دہی میں ملا کر گرائینڈ کر لیں ۔اب ایک برتن میں کھانے کا تیل ڈال کر اس میں ادرک لہسن کا پیسٹ اور تیار شدہ چکن ڈال کر ہلا لیں ۔اب اس میں زیرہ پاؤڈر ،دھنیا پاؤڈر اور تیار شدہ پیسٹ اس میں ڈال کر دو سے تین منٹ تک پکا لیں اورپانی ڈال کر آٹھ سے دس منٹ ہلکی آنچ پر دم دینے کے بعد تین سے چار منٹ بُھونائی کر لیں ۔آپکا مزیدار چکن دہی والا تیار ہے ۔

  

مرغ قوفتہ کری

اجزاء

    • چکن قیمہ ایک کلو
    • نمک حسبِ ضرورت
    • ہرا دھنیا چوپ کیا ہوا دو کھانے کے چمچ
    • پودینہ چوپ کیا ہوا دو کھانے کے چمچ
    • ہری مرچ چوپ کی ہوئی دو کھانے کے چمچ
    • پیاز چوپ کیا ہوا دو عدد
    • ادرک لہسن کا پیسٹ دو کھانے کے چمچ
    • کاجو پسے ہوئے ڈیڑھ کھانے کے چمچ
    • بھُنے ہوئے چنے کا پاؤڈر ڈیڑھ کھانے کے چمچ
    • چار مغز ڈیڑھ کھانے کے چمچ
    • انڈا ایک عدد
    • زیرہ پاؤڈر دو کھانے کے چمچ
    • دھنیا کُٹا ہوا دو کھانے کے چمچ
    • گرم مصالحہ ایک کھانے کا چمچ
    • ٹماٹرپسے ہوئے چار عدد
    • دہی ایک کپ
    • لال مرچ پسی ہوئی دو کھانے کے چمچ
    • ہلدی ایک چائے کا چمچ
    • آئل ایک کپ
    • کریم تین کھانے کے چمچ
    • گرم پانی آدھا کپ

 

ترکیب

ایک برتن میں چکن قیمہ لیں اس میں آدھا پیازچوپ کیا ہو ا ڈال کر اس میں ادرک لہسن کا پیسٹ ایک کھانے کا چمچ ،نمک ،پودینہ ،ہرا دھنیا ،ہری مرچ ،انڈا ،گرم مصالحہ آدھا کھانے کا چمچ ،زیرہ پاؤڈر ایک کھانے کا چمچ،دھنیا کُٹا ہوا ایک کھانے کا چمچ ،بُھنے ہوئے چنے کا پاؤڈر ،چار مغز،کاجو پسے ہوئے اور لال مرچ پسی ہوئی ڈال کر اچھی طرح ملا لیں۔اب اس کے قوفتے بنا لیں اور بیس سے پچیس مِنٹ کے لیے فریج میں رکھ دیں ۔اب ایک برتن میں آئل آدھا کپ ڈال کر شیلو فرائی کر لیں ۔اب ایک پین میںآدھا کپ آئل لیں اس میں ڈیڑھ پیاز ڈال کر لائیٹ براؤن کر لیں۔اب اس میں ادرک لہسن کا پیسٹ ایک کھانے کا چمچ،ٹماٹو پیوری ،نمک ،لال مرچ پسی ہوئی ایک کھانے کا چمچ ،ہلدی ،دھنیا پسا ہوا ایک کھانے کا چمچ ،زیرہ پسا ہوا ایک کھانے کا چمچ ،گرم مصالحہ آدھا کھانے کا چمچ،دہی ،کر یم اور گرم پانی آدھا کپ ڈال کر آٹھ سے دس منٹ کے لیے بُھنائی کریں ۔اب اس میں قوفتے ڈال کرتین سے چار منٹ کے لیے ہلکی آنچ پر دم دیں ۔اب اوپر سے ہرا دھنیا ،ادرک اور ہری مرچ ڈال دیں آپکی مزیدار مرغ قوفتہ کری تیار ہے ۔

  

چکن نگٹس

اجزاء

  • چکن قیمہ 500 گرام
  • انڈا ایک عدد
  • سویا سوس ڈیڑھ کھانے کا چمچ
  • کالی مرچ پسی ہوئی ایک چائے کا چمچ
  • بریڈ کرم تین کھانے کے چمچ
  • نمک حسبِ ذائقہ

ترکیب

ایک برتن میں چکن قیمہ لیں اس میں نمک ،بریڈ کرم ،انڈا ،کالی مرچ پسی ہوئی اور سویا سوس ڈال کر اچھی طرح ملا لیں ۔اب ایک برتن میں انڈا لیں اور ایک برتن میں بریڈکرم ڈال لیں اور ہاتھ پر کوکنگ آئل لگا کر تیار شدہ چکن قیمہ کے نگٹس بنا لیں اور نگٹس کو انڈے میں ڈبو کر بریڈ کرم لگا لیں اور تیس سے پینتیس منٹس تک فریزرمیں رکھ دیں ۔اب ایک برتن میں آئل لیں اور اس میں تیار شدہ چکن نگٹس ڈال کر گولڈن براؤن ہونے تک ڈیپ فرائی کریں ۔اب آپکے مزیدار چکن نگٹس تیار ہیں ۔

  

پین روسٹ چکن

اجزاء

  • چکن ایک کلو
  • ادرک لہسن کا پیسٹ دو کھانے کے چمچ
  • دہی چار کھانے کے چمچ
  • لال مرچ پسی ہوئی دو کھانے کے چمچ
  • ہلدی ایک کھانے کا چمچ
  • نمک حسبِ ذائقہ
  • مکھن ۲۰۰ گرام یا حسبِ ضرورت

ترکیب

ایک کلو چکن کو گہرے کٹ لگا دیں ۔اب ادرک لہسن کا پیسٹ ،دہی ،لال مرچ پسی ہوئی اور ہلدی کو ملا کر حسبِ ذائقہ نمک ڈال کر اس کو ملا لیں اور ایک گھنٹہ کے لیے فریج میں رکھ دیں۔اب ایک پین میں ۲۰۰گرام مکھن ڈاکل کر گرم کر لیں اوراس میں چکن ڈال کر ہلکی آنچ پر گولڈن براؤن ہونے تک دم دیں۔
آپکا پین روسٹ چکن تیار ہے ۔

  

چکن کاشونٹ ود فرائیڈرائس

اجزاء

  • چکن بونلیس 300گرام
  • چاول تین کپ
  • نمک حسبِ ذائقہ
  • آئل آدھا کپ اور دو کھانے کے چمچ
  • سویا سوس چار کھانے کے چمچ
  • اجینو موتو تین کھانے کے چمچ
  • کالی مرچ پیسی ہوئی چار کھانے کے چمچ
  • چوپ شملہ مرچ 25گرام
  • گاجر چوپ کی ہوئی 25گرام
  • گوبھی چوپ کی ہوئی 15گرام
  • انڈے تین عدد پھٹے ہوئے
  • تیل ڈیپ فرائی
  • چینی دوچائے کا چمچ
  • میدہ دو کھانے کے چمچ
  • کارن فلور دو کھانے کے چمچ
  • چلی سو س دو کھانے کا چمچ
  • تِلوں کا تیل تین کھانے کے چمچ
  • ادرک چوپ کیا ہوا ایک کھانے کا چمچ
  • پیاز 10گرام
  • لال شملہ مرچ 10 گرام
  • اویسڑ سوس ایک چائے کا چمچ
  • ایچ پی سو س ایک چائے کا چمچ
  • ہرا پیاز 5گرام
  • کاجو 100گرام بھُنے ہوئے
  • پانی حسبِ ضرورت

ترکیب

فرائیڈ رائس:

ایک برتن میں پانی ڈال کر اُ س میں چاول تین کپ ،نمک حسبِ ذائقہ اور آدھا کپ آئل ڈال کر اُبال لیں ۔
اب ایک پین میں آئل گرم کریں اوراس میں دو عدد پھٹے ہوئے انڈے ڈال کر تھوڑا سا پکانے کے بعدچوپ کی ہوئی بند گوبھی15گرام ،چوپ کی ہوئی گاجر15گرام اور چوپ کی ہوئی شملہ مرچ 15گرام ڈال کر مکس کریں اور چاول ڈال لیں اب اس میں نمک حسبِ ذائقہ،اجینو مو ٹوڈیڑھ چائے کا چمچ ،سویا سو س ڈ یڑھ چائے کا چمچ اور وائٹ پیپر ڈیڑھ چائے کا چمچ ڈال کر اچھی طرح مکس کر لیں ۔

چکن میرینیشن:

ایک برتن میں چکن ڈالیں ،ایک انڈا ،کالی مرچ ایک چائے کا چمچ ، چینی ایک چائے کا چمچ ،کارن فلوردو کھانے کے چمچ ،میدہ دو کھانے کے چمچ ،سویا سوس ایک چائے کا چمچ ،نمک حسبِ ذائقہ اورچلی سوس ایک کھانے کا چمچ ڈال کر اچھی طرح مکس کر لیں ۔اب ایک کڑھائی میں آئل گرم کریں اور مکس شدہ چکن کولائٹ براؤن ہونے تک ڈیپ فرائی کر لیں ۔
اب ایک پین میں تِلوں والا تیل تین کھانے کے چمچ ڈال کر گرم کر لیں اس میں چوپ کیا ہوا اد رک ایک کھانے کا چمچ اور چوپ کیا ہو الہسن ایک کھانے کا چمچ ڈال لیں ۔پھر پیاز10گرام، گاجر10گرام ،لال شملہ مرچ10گرام اورہری شملہ مرچ 10گرام ڈال کر تھوڑا سا پکائیں ۔
اب اس میں کالی مرچ پیسی ہوئی ڈیڑھ چائے کا چمچ ،اجینو موتوڈیڑھ چائے کا چمچ،چینی ایک کھانے کا چمچ،نمک حسبِ ذائقہ،چلی سوس ایک چائے کا چمچ،اویسٹر سوس ایک چائے کا چمچ ،HP سوس ایک چائے کا چمچ اورسویا سوس ایک کھانے کا چمچ ڈال کر اچھی طرح مکس کرلیں ۔

گارنش

ہرا پیاز پانچ گرام اوربھنے ہوئے کاجو 100گرام کو گارنش کے لیے استعمال کر لیں ۔
آپکا مزیدار چکن کاشونٹ ود فرائیڈ رائس تیار ہیں ۔

  

چکن کیسیڈیلا

اجزاء

  • آئل ایک کھانے کا چمچ
  • پیاز چوپ آدھا پیاز
  • لہسن چوپ ایک چائے کا چمچ
  • سبز شملہ مرچ دو کھانے کے چمچ
  • لال شملہ مرچ دو کھانے کے چمچ
  • ٹماٹر دو عدد
  • نمک حسبِ ذائقہ
  • لال مرچ پسی ہوئی ڈیڑھ چائے کا چمچ
  • پیا ز پاؤڈر ایک چائے کا چمچ
  • پیپریکہ ایک چائے کا چمچ
  • لہسن پاؤڈر ایک چائے کا چمچ
  • اوریگانو آدھا چائے کا چمچ
  • چکن کیوب 200 گرام
  • ٹورٹیلا دو عدد
  • موز ریلہ چیز 50 گرام
  • چیڈر چیز 50 گرام
  • کالا زیتون 5گرام
  • جیلا پینو 5 گرام

ترکیب

ایک برتن میں آئل ڈال کر اس میں پیاز ،لہسن ،سبز شملہ مرچ ،لال شملہ مرچ ،ٹماٹر،نمک ،پیاز پاؤڈر ،لال مرچ پسی ہوئی ،پیپریکہ پاؤڈر ،لہسن پاؤڈر اور اوریگانو ڈال کر تھوڑا سا پکائیں اب چکن ڈال کر چکن کے گلنے تک پکائیں ۔ اب پین میں ایک چمچ آئل ڈال کر ٹورٹیلا کو براؤن کر لیں اب گرل کو آئل لگا لیں اور اس پر ٹورٹیلاڈال کر اس پرموزریلہ چیزاور چیڈر چیز ڈال دیں۔اب اسپر تیار کیا ہوا چکن ڈال دیں ۔اب دوبارہ اس پر موزریلہ چیز ، چیڈر چیز،کالا زیتون اور جیلا پینو ڈال کر اس کے اوپر ٹورٹیلا رکھیں اور دو نوں اطراف سے لائٹ براؤن کر لیں ۔آپکامزیدار چکن کیسیڈیلا تیار ہے،