ڈرائی فروٹس مکسچر بنانے کے لئے ایک چوپر میں بادام اور کاجو ڈال کر پاؤڈر شکل میں چوپ کر لیں۔

کوفتے بنانے کے لئے ایک چوپر میں چکن قیمہ، ذیرہ پاؤڈر، جائفل پاؤڈر، ہلدی پاؤڈر، دھنیا پاؤڈر، ڈرائی فراٹس مکسچر، نمک، لال مرچ پاؤڈر، لیموں کا رس، بیسن اور سبز دھنیا ڈال کر چوپ کر لیں۔

اب اپنے ہاتھوں پر کھانے کا تیل لگا کر مکسچر سے گول شکل میں کوفتے بنا لیں اور سائیڈ پر رکھ دیں۔

پھر ایک فرائی پین میں بنانے ہوئے کوفتوں کو ہلکی آنچ پر چھ سے آٹھ منٹ یا لائٹ گولڈن ہونے تک فرائی کر لیں۔

گریوی بنانے کے لئے ایک پین میں کھانے کا تیل گرم کرکے اس میں ادرک لہسن پیسٹ ڈال ایک منٹ پکا لیں۔اب اس میں ذیرہ ڈال کر مزید ایک منٹ پکائیں۔پھر اس میں پیاز ڈال کر دو سے تین منٹ پکائیں۔

اب اس میں نمک، ہلدی پاؤڈر، لال مرچ پاؤڈر اور کالی مرچ پاؤڈر ڈال کر اچھی طرح مکس کرلیں۔پھر اس میں پسے ہوئے ٹماٹر اور دھنیا پاؤڈر ڈال کر پانچ سے چھ منٹ پکائیں۔اب اس میں ڈرائی فروٹس مکسچر اور پانی ڈال کر اچھی طرح مکس کریں اور ڈھکن سے ڈھک کرہلکی آنچ پر تین سے چار منٹ پکائیں۔

پھر اس میں دہی ڈال کر مزید تین سے چار منٹ پکائیں اور تیار کئے ہوئے کوفتے ڈال کر اچھی طرح مکس کر لیں اور ڈھکن سے ڈھک آئل علیحدہ ہونے تک پکائیں۔

اب اس میں کریم اورگرم مصالحہ پاؤڈر ڈال کر اچھی طرح مکس کریں اور ڈھکن سے ڈھک کر دو سے تین منٹ یا آئل علیحدہ ہونے تک پکائیں۔

مزیدار مغلائی کوفتے تیار ہیں، دھنیے سے گارنش کرکے سرو کریں۔