گرم مصالحے کی پوٹلی بنانے کے لئے ایک چھوٹے باؤل میں ململ کے کپڑا رکھ کر اس میں زیرہ، دھنیا، سونف، کالی مرچ، لونگ، دار چینی اسٹک، تیز پتا اور بادیان رکھ کر گرہ باندھ کر ایک طرف رکھ دیں۔

یخنی بنانے کے لئے ایک برتن میں پانی، بیف، مخ، لہسن، پیاز، ہری مرچ، گرم مصالحے کی پوٹلی اور نمک ڈال کر ابلنے دیں اور جھاگ اتار یں۔

اب ڈھکن سے ڈھک کر ہلکی آنچ پر چالیس سے پنتالیس منٹ یا گوشت گلنے تک دم پر رکھ دیں۔

پھر اس یخنی سے گوشت اور مخ الگ الگ کر لیں اور چھان کر سائیڈ پر رکھ دیں۔

پلاؤ بنانے کے لئے گارڈ باسمتیچاولوں کو پچیس منٹ بھگو کر رکھ دیں۔

اب ایک پین میں کھانے کا تیل گرم کرکے اس میں پیاز ڈال کر گولڈن براؤن ہونے تک بھون لیں۔ پھر اس میں گرم مصالحہ ڈال کر ایک منٹ پکائیں۔اب اس میں ادرک لہسن کا پیسٹ اورہری مرچیں ڈال کر مزید دو منٹ تک پکائیں۔اب اس میں ابلا ہوا گوشت اور مخ ڈال کر دو سے تین منٹ پکائیں۔

پھر اس میں ٹماٹر اور دہی ڈال کر آئل علیحدہ ہونے تک پکائیں۔اب اس میں سے مخ نکال کر سائیڈ پر رکھ دیں۔پھر اس میں بیف اور نمک ڈال کر ابلنے دیں اور بھگوئے ہوئے چاول ڈال کر اسی فیصد پانی خشک ہونے تک پکائیں۔

اب ڈھکن سے ڈھک کر بارہ سے پندرہ منٹ دم پر رکھ دیں۔

مزیدار سٹریٹ سٹائل بیف نلی پلاؤ ریسپی تیار ہے۔