پالکفلنگ بنانے کے لئے ایک برتن میں پانی گرم کرکے اسے ابال لیں۔اب اس میں پالک ڈال کرابلنے دیں اور اچھی طرح پکا کر سائیڈ پر رکھ دیں۔پھر پالک کو چھان کر ایک طرف رکھ دیں۔ایک پین میں کھانے کا تیل گرم کرکے اس میں ابلی ہوئی پالک، مشرومز، سفید مرچ، نمک اوراوریگانو ڈال کر دو منٹ تک پکائیں۔ اب اس میں کریم ڈال کر ایک منٹ تک پکائیں۔ پالک فلنگ تیار ہے۔

لیمن بٹر سوس بنانے کے لئے ایک پین میں مکھن گرم کرکے اس میں لہسن ڈال کر ایک منٹ تک پکائیں۔اب اس میں چکن یخنی، کالی مرچ، نمک، لیموں کا رس اورشہد ڈال کرایک سے دو منٹ تک ابال لیں۔ پھر اس میں پارسلی ڈال کر ایک منٹ تک پکائیں۔ لیمن بٹر سوس تیار ہے۔

تلی ہوئی سبزیاں بنانے کے لئے ایک پین میں کھانے کا تیل گرم کرکے اس میں بروکولی، آلو، گاجر،سبز پھلیاں، نمک، کالی مرچ اوراوریگانو ڈال کر تیز آنچ پردو سے تین منٹ تک پکائیں۔تلی ہوئی سبزیاں تیار ہیں۔

چکن رولیڈبنانے کے لئے چکن بریسٹ لیں اور اس پر کلنگ فلم رکھیں اورہیمر سے چپٹا کر لیں۔ اب کلنگ فلم کو ہٹا دیں اور اس پر نمک، کالی مرچ چھڑکیں۔ اب چکن بریسٹ پر پالک فلنگ ڈالیں۔ چکن بریسٹ کو چکن رولیڈشکل میں رول کرلیں۔

اسے کلنگ فلم میں لپیٹ کر فوائل پیپر میں لپیٹ لیں۔ اب ایک برتن میں پانی گرم کریں اور ابال لیں۔ پھر اس میں لپیٹے ہوئے چکن ڈالیں اور ڈھانپ کرپچیس سے تیس منٹ تک ابالیں۔

اب انہیں باہر نکالیں اور چکن رولیڈز کو کھول دیں۔پھر ایک پینمیں کھانے کا تیل گرم کرکے اس پر اُبلے ہوئے چکنرولیڈ رکھیں اور ہر طرف سے گولڈن ہونے تک پکا لیں۔ ان کو سلائس کریں اور چکن رولیڈز تیار ہیں۔

ڈرائی بیٹر بنانے کے لئے ایک باؤل میں میدہ، پیپریکا پاؤڈر،کٹی لال مرچیں، لہسن پاؤڈر، لال مرچ پاؤڈر اور نمکڈال کراچھی طرح مکس کریں۔ڈرائی بیٹر تیار ہے۔

لیکوڈ بیٹر بنانے کے لئے ایک باؤل میں انڈے، دودھ، کشمیری لال مرچ پاؤڈر، پیپریکا پاؤڈر اورچلی سوس ڈال کر اچھی طرح مکس کرلیں۔لیکوڈ بیٹر تیار ہے۔

بریڈ کرمز مکسچر بنانے کے لئے ایک بلینڈر میں بریڈ کرمز اور کشمیری لال مرچ پاؤڈر ڈال کر اچھی طرح بلینڈ کر لیں اور سائیڈ پر رکھ دیں۔

فائیری چکن فرائز بنانے کے لئے چکن سٹرپس کو ڈرائی بیٹر میں کوٹ کرڈرائی بیٹر میں ڈال کر بریڈ کرمز میں کوٹ کر لیں اور کرسپی ہونے تک فرائی کر لیں۔ فائری چکن فرائز تیار ہیں۔